[Date Prev][Date Next][Thread Prev][Thread Next][Date Index][Thread Index]

Preston Maxwell: tales



A grammatically updated and corrected version of Preston Maxwell's non-
indoeuropean tales.



ko'a goi lo slabu nanmu ge'u jo'u ko'e goi lo xasli po ko'a cu dzukla fo lo
dargu .i lo to'ersi'a citno goi ko'i viska lu'a ko'a joi ko'e lu'u ne zo'i
.i ko'i crusku fi ko'a fe lu coidoi patfu ru'a be le xasli .ionai li'u
.i ko'a spuda ko'i lu coidoi seni'i bersa .io.ianai befi mi li'u

ni'o lo ctuca goi ko'a puze'uki litru gi'e caze'a litru lo rirxe lo bloti
gi'e caze'i tavla ko'e goi le sazri be le bloti .i ko'a retsku fi ko'e fe lu
xuta'o do pu cilre loi gerna li'u .i ko'e spuda ko'a lu na go'i li'u .i ko'a
bacru lu .u'u do seni'i ba'o se festi le pamoi xadba be lei ji'efri be do li'u
.i ko'e baze'i retsku fi ko'a fe lu xuta'o do pu cilre loizu'o limna li'u
.i ko'a spuda fi lu na go'i li'u .i ko'e bacru lu .u'u do ba'o se festi le
nu'o remoi xadba be lei ji'efri be do ni'i lenu le bloti bazi se jinru li'u

ni'o lo nanmu goi ko'a cu klama lo zarci .i ko'a viska re nanmu ne zo'i zi'e
goi ko'e jo'u ko'i .i ko'e joi ko'i ca casnu le jdima be lo cipni .i le cipni
cu mutce melbi .i ko'e bacru lu xecto .e'o rupnu li'u .i ko'i bacru lu re .e'o
xecto rupnu li'u .i ko'a zo'i retsku fi ko'e joi ko'i fe lu ki'u ma leti cipni
cu kargu li'u .i ko'e joi ko'i spuda ko'a lu ki'u lenu leti cipni cu kakne lenu
tavla li'u .i ko'a cliva gi'e baze'o xrukla gi'e ca bevri lo xruki .i le xruki
cu na'e melbi .i ko'e joi ko'i pujeca casnu le melbi cipni .i ko'a zo'i jarco
le xruki gi'e crusku fi ko'e joi ko'i fe lu ci .e'o xecto rupnu li'u .i ko'e .e
ko'i cu catlu ko'a .e le xruki gi'e retsku fi ko'a felu ki'u ma leti xruki ku
kargu .i xu kakne lenu tavla li'u .i ko'a spuda lu na go'i .i go'a ki'u lenu
leti cipni cu kakne lenu pensi li'u

ni'o ko'a ce ko'e ce ko'i cimei loi tauzba poi xabju le tcadu .i ro le tauzba
cu ponse lo gu'azda nedi'o le mintu klaji .i ko'a zbasu gi'e dadgau fi le
gu'azda po ko'a fe lo tcityta'o pesecu'u lu vizi xagrai loi tauzba pe levi
tcadu li'u .i ko'e baze'o xrukla le klaji gi'e viska le cnino tcityta'o gi'e
zbasu je dadgau lo tcityta'o pesecu'u lu vizi xagrai loi tauzba pe levi gugde
li'u .i ko'i xrukla le klaji gi'e viska le re tcityta'o .i pensi gi'e baze'o
dadgau lo tcityta'o pesecu'u lu vizi xagrai loi tauzba pe levi klaji li'u

ni'o lo prije goi ko'a puze'u sisku le se mipri tadji pe lenu noroi morsi
.i ko'a bazi te skicu le nu lo nanmu goi ko'e pu facki ledi'u mipri .i ko'e vu
xabju .i ko'a redgau mu'i lenu fa'avu litru kei gi'e bazaco'a ze'o litru
.i bazuze'o klama le cmatcidu pe ko'e gi'e te preti fo le selzvati be ko'e
.i zo'e danfu le nu ko'e puzi mrobi'o .i ko'a co'a klaku gi'e bacru lu mi gu'o
puzijenaica .u'u vi klama gi cilre le se mipri li'u

ni'o lo nanmu .e lo ninmu po ko'a puza sipna di'o le gapru be lo zdani
.i lo xasli po'e ko'a .e ko'e puza sipna di'o le cnita be le zdani .i le
zdani cu se klama lo nalmardyle'a .i ko'e co'a cikna gi'e ciknygau ko'a gi'e
bacru lu mi puzi tirna lo nalmardyle'a .ii poi ne'ikla .i ko ni'akla je sisku
li'u .i ko'a bacru lu .o'onai do za'a senva .i ko kefsipna li'u .i le
nalmardyle'a co'a ne'ikla le zdani .i le xasli co'a cikna je terpa gi'e
xaslycru .i ko'a crusku fi ko'e fe lu li'a le xasli puza savru li'u .i ko'e
bacru lu .ie go'i li'u .i le nalmardyle'a cu tirna le xasli gi'e terpa gi'e
mo'ifa'ava bajra

ni'o di'e lisri ra'i le puzuze'u jungo .itu'e lo nanmu peme'e la .iegong. goi
ko'a misno le nu ko'a nelci loi cridrlonga .i lei taxfu be ko'a ku terfenso
loi pixra be loi cridrlonga .i loi pixra be loi cridrlonga cu dandu lei
bitmu be le zdani be ko'a .i lei kamju pevi le zdani ku se tarmi le cridrlonga
.i ko'a ponse so'i melbi ke cridrlonga rutni .i lo cridrlonga goi ko'e puki
tirna le za'i ko'a misno tu'a loi cridrlonga kei gi'e tceselpluka .i ko'e jdice
le nu ko'e ba vitke ko'a kei gi'e klama le zdani be ko'a .i ko'e tcebarda
seri'a lenu naka'e ne'ikla .iseki'ubo ko'e setca le stedu le canko .i ko'a
ca zutse gi'e zbasu lo pixre be lo cridrlonga .i ko'a co'a tceterpa gi'e
cazimo'ifa'ava bajra tu'u .ibaze'u lu la .iegong. nelci loi cridrlonga li'u
smuni la'elu lo prenu cu nelci lenu tavla fi da gi'e na nelci da pe ca'a li'u
.i ku'u le ca jungo lu la .iegong. nelci loi cridrlonga li'u smuni la'elu
zo'e nelci lenu tavla fi lenu jecyga'ibai gi'enai djica lenu ca'a jecyga'ibai
li'u

ni'o so'o pendo puca pinxe lo vanju
.i ko'a goi pa le pendo cu djica lenu jarco leko'a pixra cupra ka certu
.isemu'ibo ko'a cupra co pixra lo since
.i leko'a pendo cu bacru zo .ii
.i le pixra cu selcertu .ia
.i ko'a pensi cusku lu mi ba xagzadri'a levi pixra
gi'e semu'i cupra co pixra lo tuple be le since
.i leko'a pendo cu bacru lu .iinai lo'e since cu na ponse lo tuple  .i
seni'ibo le pixra pujecanai xamgu li'u

---
'Dera me xhama t"e larm"e,	      T  Nick Nicholas, EE & CS, Melbourne Uni
 Dera mbas blerimit		      |  nsn@munagin.ee.mu.oz.au (IRC: Nicxjo)
 Me xhama t"e larm"e!		      |  Milaw ki ellhnika/Esperanto parolata/
 Lumtunia nuk ka ngjyra tjera.'	      |  mi ka'e tavla bau la lojban. je'uru'e
 - Martin Camaj, _Nj"e Shp'i e Vetme_ |                *d'oh!*